ԵՐԵՎԱն, 24 մարտի- Spurtnik. ՀՀ ԱԳՆ-ն միանում է արցախցի հայրենակիցներին և նրանց հետ մեկտեղ ոգեկոչում մեկ դար առաջ Շուշիի հայկական ջարդերի բազմահազար զոհերի հիշատակը: Համապատասխան հայտարարությունը տարածել է ՀՀ ԱԳՆ մամուլի ծառայությունը:
Հրեաների հուշարձանը, Շուշիի զինանշանն ու 50 հազար դրամանոցները. Արուտչյանն ու աշխարհը
«Հարյուր տարի առաջ Ադրբեջանի առաջին հանրապետության զինված ստորաբաժանումները փորձեցին զենքի ուժով և խաղաղ բնակչության զանգվածային ոչնչացմամբ լուծել արդեն իսկ միջազգային օրակարգ մտած Ղարաբաղի հարցը: Արդյունքում այրվեց և ոչնչացվեց հայկական Շուշին, որը տարածաշրջանի տնտեսական, հոգևոր և մշակութային մեծ կենտրոն էր: Աննախադեպ դաժանությամբ իրականացված այս վայրագությունը ղեկավարեց Խոսրով բեկ Սուլթանովը, ով հետագայում՝ Երկրորդ Համաշխարհային պատերազմի տարիներին, ակտիվ մասնակցություն ունեցավ նացիստական զորքերի շարքում ադրբեջանական լեգիոնի ստեղծման գործում»,-ասվում է ԱԳՆ հայտարարության մեջ:
Նշվում է, սական, որ Արցախն Ադրբեջանի առաջին հանրապետության մաս դարձնելու ծրագիրը տապալվեց և փաստացի դարձավ Ադրբեջանի անկախության կորստի պատճառներից մեկը:
Այսօր, այս դեպքերից հարյուր տարի անց ՀՀ ԱԳՆ-ն հարգանքի տուրք է մատուցում բոլոր անմեղ զոհերի հիշատակին և ընդգծում ազատ հայրենիքում ապրելու և արարելու՝ հայ ժողովրդի վճռականությունը:
Նա հոգու խորքում հայ էր. Կիմ Բակշիի աճյունափոշին կամփոփվի Գառնիի կիրճում և Շուշիում