ԵՐԵՎԱՆ, 23 մարտի — Sputnik. ՀՀ նախագահ Արմեն Սարգսյանի հրամանագրով` ՀՀ զինված ուժերի բարոյահոգեբանական ապահովման վարչության պետ է նշանակվել Արթուր Պողոսյանը։
«Հիմք ընդունելով վարչապետի առաջարկությունը՝ Արթուր Պողոսյանին նշանակել ՀՀ զինված ուժերի բարոյահոգեբանական ապահովման վարչության պետ»,–նշված է նախագահի հրամանագրում։
Հիշեցնենք` 2020 թվականի հունվարի 1-ից մինչև փետրվարի 17-ը Արցախի և Հայաստանի Զինված ուժերում գրանցվել է զինծառայողների մահվան 13 դեպք, որից 4-ը դժբախտ պատահարի հետևանքով են, 4-ը պայմանավորված են ծառայության հետ առնչություն չունեցող հանգամանքներով՝ հիվանդություն, անձնական խնդիրներ։ Մնացած 5 դեպքերի առնչությամբ հարուցվել են քրեական գործեր, հանգամանքները պարզվում են:
ՀՀ վարչապետ Նիկոլ Փաշինյանի առաջարկով ՀՀ նախագահ Արմեն Սարգսյանը փետրվարի 19-ին ստորագրել էր Ռազմական ոստիկանության պետ Արթուր Բաղդասարյանին և ԶՈւ բարոյահոգեբանական ապահովման վարչության պետ Ալեքսան Ալեքսանյանին պաշտոնից ազատելու որոշումները։