ԵՐԵՎԱՆ, 20 մարտի – Sputnik. ՌԴ այն քաղաքացիները, որոնք կորոնավիրուսի պատճառով կորոշեն մեկնել Հայաստանից, կարող են իրենց մեքենաները կայանել Ռուս-հայկական մարդասիրական արձագանքման կենտրոնի տարածքում։ Տեղեկությունը հայտնում է Հայաստանում Ռուսաստանի դեսպանությունը։
«Հայաստանի տարածքում Covid-19 վիրուսի տարածման պատճառով արտակարգ դրություն սահմանելու կապակցությամբ Ռուս –հայկական մարդասիրական արձագանքման կենտրոնը, Հայաստանում ՌԴ դեսպանատան հետ համագործակցությամբ, պատրաստ է իր տարածքը տրամադրել Ռուսաստանի Դաշնության այն քաղաքացիներին, որոնք ցանկանում են լքել երկիրը ինքնաթիռով»,– նշված է դեսպանատան հաղորդագրության մեջ:
Մանրամասն տեղեկությունների համար ՌԴ քաղաքացիները կարող են զանգել +374 99 123 465 հեռախոսահամարով կամ դիմել info@rachr.ru էլեկտրոնային փոստով։
Հիշեցնենք, որ մարտի 16-ին Հայաստանի կառավարությունը COVID-19 կորոնավիրուսի արագ տարածումը կանխելու նպատակով արտակարգ դրություն սահմանեց, որը կտևի մինչև ապրիլի 14-ը:
Ռուս-հայկական մարդասիրական արձագանքման կենտրոնը տեղակայված է ԽՍՀՄ զինված ուժերի կապի նախկին բազայի տարածքում ՝ Կոտայքի մարզի Գետարգել գյուղում։