ԵՐԵՎԱՆ, 19 մարտի – Sputnik. Կրասնոդարի երկրամասի օպերատիվ շտաբը հայտնում է, որ Կուբանում կորոնավիրուսով վարակված երկրորդ մարդը, որը բուժում է ստանում Սոչիում, Հայաստանից է ժամանել։
«Այդ մարդը Հայաստանից է ժամանել։ Կրասնոդարի երկրամասում հիվանդացածների շփման շրջանակը օպերատիվ կերպով բացահայտվել է։ Բոլորը, որոնց հետ նրանք շփվել են, այժմ մեկուսացված են ու գտնվում են բժիշկների հսկողության տակ», - նշվում է հաղորդագրության մեջ։
Պացիենտն այժմ բուժում է ստանում Սոչիի հիվանդանոցում՝ մեկուսացված հիվանդասենյակում։
Ավելի վաղ Կուբանում գրանցվել էր կորոնավիրուսով վարակվելու առաջին դեպքը: Տղամարդն Իտալիայից էր ժամանել։
Թուրքիայում կորոնավիրուսից 3 մարդ է մահացել
Իշխանությունը Կուբանում բարձր պատրաստականության ռեժիմ է մտցրել։ Տարածաշրջանի խոշոր բուհերը հեռակա ուսման անցնելու որոշում են կայացրել։ Դպրոցներն ազատ կերպով է կարելի հաճախել։ Կուբանի բժշկական հաստատությունները անցել են աշխատանքի կարանտինային ռեժիմի ու սահմանափակում են հիվանդների այցելությունները։
Հիշեցնենք՝ Հայաստանում կորոնավիրուսի տարածումը կանխելու նպատակով մարտի 16-ից ապրիլի 14-ն արտակարգ դրություն է հայտարարված: Երկրում մարտի 19–ի ժամը 14։00–ի դրությամբ 122 վարակված կա, որոնցից մեկն առողջացել է:
Բջջային հավելվածի միջոցով հնարավոր կլինի պարզել՝ կորոնավիրուսով վարակված եք, թե ոչ