ԵՐԵՎԱՆ, 19 մարտի –Sptutnik. Ղարաբաղյան հակամարտության գոտում ԵԱՀԿ մշտադիտարկման աշխատանքները կդադարեցվեն կորոնավիրուսի բռնկման պատճառով։ Այս մասին հայտարարել է ԵԱՀԿ գործող նախագահի անձնական ներկայացուցիչ Անջեյ Կասպրշիկը` համապատասխան հայտարարություն հրապարակելով ԵԱՀԿ պաշտոնական կայքում։
Տոնոյանն ընդունել է Անջեյ Կասպրշիկին. դեսպանը պատրաստ է առավելագույն ջանքեր գործադրել
Նշվում է, որ COVID-19–ի տարածման հետևանքով ստեղծված իրավիճակը հանգեցրեց ամբողջ տարածաշրջանում միջազգային սահմանների փակման, միջազգային և տեղի անձնակազմի ուղևորությունների սահմանափակման, ինչպես նաև անձնական շփումների սահմանափակման։
«Հաշվի առնելով վերոնշյալը և կողմերի հետ խորհրդակցությունից հետո, մոնիթորինգի իրականացումը կկասեցվի մինչև սահմանափակումների վերացումը... Շարունակում եմ կապ պահպանել համապատասխան ռազմական ղեկավարների հետ», – ընդգծել է Կասպրշիկը։
ԱՀԿ–ն մարտի 11-ին COVID-19 նոր կորոնավիրուսի բռնկումը հայտարարեց համաշխարհային համաճարակ։ Աշխարհի 160 երկրներում արդեն ավելի քան 200 հազար մարդ է վարակվել, ավելի քան 8 հազարը մահացել են։