ԵՐԵՎԱՆ, 18 մարտի –Sputnik. Մարտի 18-ի, ժամը 21:30-ի դրությամբ իրականացված կորոնավիրուսային հիվանդության (COVID-19) թեստավորման արդյունքում հաստատվել է ևս 8 դեպք: Հանրագումարով` այս պահին արձանագրվել է 110 դեպք: Facebook-ի իր էջում լուրը հաղորդել է ԱՆ մամուլի խոսնակ Ալինա Նիկողոսյանը:
Հայաստանը դադարեցնում է ցամաքային և օդային հաղորդակցությունը Ռուսաստանի հետ
Արդյունքների համաճարակաբանական վերլուծության տվյալները փաստում են, որ 94 դեպք փոխկապակցված է երկու առաջնակի դեպքերի հետ:
Բոլոր պացիենտների առողջական վիճակը բժիշկները գնահատում են բավարար:
Նշենք, որ Հայաստանում կորոնավիրուսով վարակվելու դեպքերը մարտի 18–ի ժամը 19։00–ի դրությամբ 102–ն էին:
Վարակման առաջին դեպքի մասին հայտնի դարձավ մարտի 1-ի վաղ առավոտյան. վարակվածը 29-ամյա տղամարդ էր, որն Իրանից Հայաստան էր ժամանել փետրվարի 28-ին: Նա արդեն դուրս է գրվել հիվանդանոցից։
Հայաստանում մարտի 16–ից արտակարգ դրություն է հայտարարվել։
Կառավարությունը 150 մլրդ դրամի աջակցություն կցուցաբերի տնտեսությանը. Փաշինյան