ԵՐԵՎԱՆ, 18 մարտի – Sputnik. Կորոնավիրուսի պատճառով Հայաստանում աճել է օնլայն խաղադրույքների վիճակագրությունը։ Այս մասին այսօր ԱԺ տնտեսական հանձնաժողովի նիստում հայտարարեց «Իմ քայլը» խմբակցության անդամ Հայկ Սարգսյանը։
«Մենք օրենսդրական նախաձեռնություն ունեինք, որով պետք է սահմանափակեինք վիճակախաղերի ու բուքմեյքերական գրասենյակների գործունեությունը ՀՀ-ում։ Ես այդ ժամանակ ասում էի, որ ժողովուրդ ջան, 80 %-ը վիճակախաղերով զբաղվում է օնլայն տիրույթում ու ոչ թե գրասենյակներում, ինձ ասում էին՝ լավ եկեք հիմա սա անենք, մի տարվա ընթացքում կքննարկենք և օնլայնն էլ կսահմանափակենք։ Հիմա եկել է այնպիսի իրավիճակ, որ մեր ժողովուրդը իրենց տանն են ու վիճակախաղերով զբաղվողների թիվը կտրուկ մեծացել է»,- ասաց պատգամավորը՝ հավելելով, որ պատգամավորները, այդ թվում և ինքը, թերացել են ու օրենսդրական անհրաժեշտ աշխատանք չեն կատարել։
Հանձնաժողովի նախագահ Բաբկեն Թունյանն ընդունելով գործընկերոջ քննադատությունը՝ խոստացավ մինչև բուքմեյքերական կետերն արգելելու համար սահմանված ժամկետը՝ 2020թ-ի նոյեմբերի 1-ը, համապատասխան օրենսդրական լուծում տալ նաև օնլայն վիճակախաղերին։
Ալեն Սիմոնյանի օրենսդրական նախաձեռնությունը սոցիալական հետևանքներ կառաջացնի. «Ժողովուրդ»
«Բայց ոչ մեկը չէր սպասում, որ այս վիրուսի պատճառով բոլորը տանը պիտի նստեին ու ուրիշ ավելի հետաքրքիր բան չգտնելով, օնլայն խաղային», - նշեց Թունյանը։
Հիշեցնենք՝ նոյեմբերի 1-ից ուժի մեջ մտնող Վիճակախաղերի մասին օրենքով սահմանվում է, որ յուրաքանչյուր մարզկենտրոնում և Երևանի ամեն վարչական շրջանում կարող է գործել վիճակախաղի միայն մեկական գրասենյակ։
«Ուզո՞ւմ են արտագաղթենք». գրավատների համար պետտուրքը նախատեսում են ավելացնել 60 անգամ
Խաղատների անսահման քանակ կարող է գործել միայն Վայոց Ձորի ու Սյունիքի այն 4 քաղաքներում, որտեղ օրենքով թույլատրված է խաղատնային գործունեությունը` տուրիզմի զարգացման տրամաբանության շրջանակում։