ԵՐԵՎԱՆ, 17 մարտի — Sputnik. Երևանի փոխքաղաքապետ Տիգրան Վիրաբյանը հայտնում է, որ համայնքային մանկապարտեզներում պահեստավորված սնունդը կտրամադրվի սոցիալապես անապահով ընտանիքներին. Վիրաբյանն այս մասին գրում է Facebook սոցցանցի իր էջում։
«Հաշվի առնելով երկրում հայտարարված արտակարգ դրությունը՝ Երևանի քաղաքապետ Հայկ Մարությանը ՀՀ փոխվարչապետ, արտակարգ դրության պարետատան պարետ Տիգրան Ավինյանի հետ քննարկել է համայնքային մանկապարտեզներում պահեստավորված սնունդն անապահով ընտանիքներին տրամադրելու հարցը»,–գրել է նա։
Ձեռք բերված և պահեստավորված սնունդն այսօր և վաղը կտրամադրվի վարչական շրջանների ղեկավարների աշխատակազմերին։ Նրանց սոցիալական ապահովության բաժիններն ըստ առաջնահերթության այն կհատկացնեն սոցիալապես անապահով ընտանիքներին:
ԵՊՀ ռեկտորի ընտրությունը հետաձգվեց
Հիշեցնենք, որ մարտի 16–ին որոշում կայացվեց Հայաստանում արտակարգ դրություն մտցնելու մասին։ Այն կտվի մինչև ապրիլի 14-ը, ժամը 18–ը։
Այս պահին Հայաստանում կոորնավիրուսով վարակվածների թիվը 64-ն է։