ԵՐԵՎԱՆ, 17 մարտի – Sputnik. Ucom ընկերությունը որոշել է ժամանակավորապես դադարեցնել սպասարկման բոլոր սրահների աշխատանքը:
«Բացառության կարգով աշխատելու է ընկերության Հյուսիսային պողոտայում տեղակայված սպասարկման գլխավոր գրասենյակը հատուկ գրաֆիկով և պայմաններով»,– նշված է ընկերության տարածած հաղորդագրության մեջ։
Կենտրոնն աշխատելու է ամեն օր 10:00-17:00։ Բաժանորդները կարող են սպասարկման սրահ մուտք գործել միայն դիմակով։ Բաժանորդները մուտքից առաջ պարտադիր ջերմաչափվելու են։
Նշենք, որ Հայաստանում կորոնավիրուսով վարակվածների թիվը հասել է 64-ի։
Երեկվանից երկրում արտակարգ դրություն է հայտարարվել։