ԵՐԵՎԱՆ, 17 մարտի – Sputnik. Հայկական կարմիր խաչ ընկերությունը հանդես է գալիս Հայաստանում արտակարգ ռեժիմի պայմաններում ՀՀ քաղաքացիներին, առողջապահության նախարարությանը և տարեցներին աջակցելու նախաձեռնությամբ։ Տեղեկությունը հայտնում է ընկերության մամուլի ծառայությունը։
Առողջապահության նախարարության հետ համագործակցության արդյունքում Հայկական Կարմիր խաչի Սոցիալ-հոգեբանական աջակցության կենտրոնների հոգեբանները Երևանում, Գավառում, Դիլիջանում կիրականացնեն կամավորների համակարգում՝ գրանցում և ուղղորդում։
Մեկ այլ նախաձեռնությամբ ընկերության կամավորները կաջակցեն միայնակ տարեցներին ու հաշմանդամներին կենցաղային, այդ թվում՝ գնումներ կատարելու հարցերում։
ՀԿԽԸ կամավորները նաև առցանց կապի կպահպանեն Ծաղկաձորում և Դիլիջանում մեկուսացման մեջ գտնվող քաղաքացիների հետ, կտեղեկանան նրանց կարիքների մասին, և դրանք կփոխանցեն ոլորտային պատասխանատուներին։
Պաշտպանության նախարարությունում դադարեցվում է թղթային տարբերակով որևէ գրության ընդունումը
Ընկերության թարգմանիչներն էլ կօգնեն, որպեսզի Առողջապահության նախարարություն զագահարած օտարալեզու քաղաքացիները ստանան իրենց հարցերի պատասխանները։
Կամավորները նաև հանրապետության ողջ տարածքում հանրային վայրերում (տրասնպորտային կանգառներ, մթերային խանութների և դեղատների շրջակայք, գետնանցումներ) բնակչությանը իրազեկման թռուցիկներ կբաժանեն․ նրանք առցանց հարթակներում ևս իրազեկող նյութեր ու հոլովակներ կտարածեն։
Նշենք, որ Հայաստանում երեկվանից արտակարգ դրություն է հայտարարվել։