ԵՐԵՎԱՆ, 16 մարտի — Sputnik. Աշխարհում կորոնավիրուսով վարակվածների թիվն այսօրվա` մարտի 16–ի դրությամբ, արդեն հասել է 169 719–ի. նրանցից 77 776–ը բուժվել է, 6518–ը` մահացել: Թարմացված տվյալները հայտնում է Առողջապահության համաշխարհային կազմակերպության պաշտոնական կայքը։
Վարակի տարածման առումով շարունակում են ցուցանիշները բարձր մնալ Չինաստանում և Իտալիայում` Չինաստանում 80 860 վարակակիր կա, իսկ Իտալիայում նրանք 24 747–ն են։
Վերջին մեկ օրվա ընթացքում Չինաստանում կորոնավիրուսից մահվան 14 նոր դեպք է գրանցվել։ Ավելին, եթե Իտալիայում երեկվա դրությամբ COVID-19-ով վարակվել էր 21 157 մարդ, մահացել` 1141-ը, ապա այսօր արդեն իսկ կա վարակի 24 747, իսկ հիվանդությունից մահացության` 1809 դեպք։
Հիշեցնենք` Հայաստանում կորոնավիրուսով վարակվելու 30 դեպք է հաստատվել։ Նրանցից մեկն արդեն առողջացել է։
Ղազախստանում արտակարգ դրություն է. արգելվել է օտարերկրացիների մուտքը երկրի տարածք