ԵՐԵՎԱՆ, 15 մարտի-Sputnik. ՀՀ փոխվարչապետ Տիգրան Ավինյանը Facebook-ի իր պաշտոնական էջում տեղեկացրել է, որ առաջիկա օրերին պետական մարմինների աշխատակիցների մի մասը կարող է աշխատել հեռահար:
«Տեղեկացնում եմ, որ կորոնավիրուսի կանխարգելման հանձանժողովի նիստի որոշմամբ պետական գերատեսչություններին հանձնարարվել է իրենց գործառույթներից ու ծանրաբեռնվածությունից ելնելով՝ դիտարկել մոտակա 10 օրերի ընթացքում աշխատակիցների մի մասի դեպքում աշխատանքը հեռահար եղանակով իրականացնելու հնարավորությունը»,- գրել է փոխվարչապետը:
Հայաստանի ավիակարգավարները ինքնամեկուսացվել են
Ավինյանը նշել է, որ այս որոշումը հատկապես վերաբերում է 60 և ավելի տարիք և/կամ շաքարային դիաբետ, սրտանոթային, շնչառական հիվանդություններ ունեցող անձանց աշխատանքի կազմակերպմանը։
Հիշեցնենք, որ ըստ մասնագետների՝ կորոնավիրուսով վարակվելու դեպքում հիվանդությունը ծանր կամ մահացու ընթացք է ունենում հիմնականում տարեցների և ուցեկցող հիվանդություններ ունեցող մարդկանց շրջանում։