ԵՐԵՎԱՆ, 15 մարտի – Sputnik. Հայաստանում կորոնովիրուսով վարակման ևս 2 դեպք է հաստատվել։ Տեղեկությունը Facebook–ի իր էջում հրապարակել է ՀՀ առողջապահության նախարար Արսեն Թորոսյանը։
«Ունենք ևս 2 հաստատված դեպք, որոնք իրար հետ փոխկապակցված են: Նրանց սերտ շփման շրջանակը պարզվում է»,–գրել է նախարարը:
Հանրագումարով, այս պահին ունենք հաստատված 28 դեպք:
Թորոսյանը նաև լավ լուր է հայտնել`առաջին պացիենտի երկրորդ թեստը բացասական է, այսինքն նա առողջացել է:
Հիշեցնենք, որ կորոնավիրուսով վարակման 3 դեպք հաստատվել էր այսօր առավոտյան։ Նրանց մեջ նաև Էջմիածնի դպրոցներից մեկում սովորող երեխա կա։ Վարակվածներից 21 պացիենտի առողջական վիճակը բավարար է, այդ թվում` նաև դպրոցահասակ երեխայի: Մյուս 2 պացիենտի մոտ առկա է թոքաբորբ, նրանց կյանքին նույնպես վտանգ չի սպառնում։
Հայաստանը ծափահարում է կորոնավիրուսի դեմ պայքարող բուժաշխատողներին. տեսանյութ
Ժամը 20։00–ի սահմաններում պարզ դարձավ, որ ևս 3 մարդու թեստեր դրական արդյունք են արձանագրել։ Իսկ քիչ առաջ նրանց ավելացան ևս 2–ը։ Այսպիսով` միայն մարտի 15–ին կորոնավիրուսով վարակման 8 դեպք է գրանցվել Հայաստանում։ Մոտ 300 քաղաքացի գտնվում են կարանտինում։
Հայաստան կբերվեն կորոնավիրուսի ախտորոշման «արագ թեստեր». Տիգրան Ավինյան
Առնվազն մինչև մարտի 23 -ը ՀՀ-ում չեն գործի կրթական հաստատությունները։ ՀՀ ԿԳՄՍ նախարար Արայիկ Հարությունյանի հանձնարարությամբ հատուկ օնլայն հարթակներ են ստեղծվում հեռավար ուսուցման կազմակերպման համար։ Չեն գործի նաև թատրոնները համերգասրահները և այլ շատ հասարակական վայրեր։