ԵՐԵՎԱՆ, 14 մարտի — Sputnik. ՀՀ վարչապետ Նիկոլ Փաշինյանն ու նրա կինը` Աննա Հակոբյանը, արդեն իսկ հանձնել են կորոնավիրուսի ախտորոշման թեստը։ Sputnik Արմենիայի հետ զրույցում Աննա Հակոբյանի մամուլի խոսնակ Հասմիկ Հարությունյանը հայտնեց` թեստերի արդյունքը հայտնի կլինի մինչև երեկո։
Լավ լուր Բրազիլիայի նախագահի, Դոնալդ Թրամփի ու Աննա Հակոբյանի համար
«Երկուսն էլ իրենց լավ են զգում, ջերմություն չունեն։ Նրանք մինչև թեստերի արդյունքները հայտնի կլինեն` դեռ շարունակում են մեկուսացված մնալ»,–ասաց Հարությունյանը։
Խոսնակը նշել է, որ արտասահմանյան այցերի, կամ սահմանադրական հանրաքվեի քարոզարշավին մասնակցելիս Աննա Հակոբյանն ինքնազգացողության վատացում չի ունեցել, և դա հիմք է տալիս հուսալու, որ թեստի արդյունքը բացասական կլինի։
Հիշեցնենք, որ Փաշինյանը երեկ Facebook–ի ուղիղ եթերում հայտնել էր` որոշել է կնոջ հետ մեկուսանալ Սևանում։ Պատճառը եղել է Աննա Հակոբյանի և Բրազիլիայի նախագահի տիկնոջ` Միշել դե Պաուլա Ֆիրմո Ռեինալդու Բոլսոնորուի հանդիպումը, որը կայացել է մարտի 7-ին։
Ավելի վաղ O Dia պարբերականը հայտնել էր, որ Բրազիլիայի նախագահը կորոնավիրուսի թեստ է անցել, և արդյունքը դրական է եղել։ Երեկ պաշտոնապես հայտարարվեց, որ նախագահի երկրորդ թեստի արդյունքը բացասական է եղել։
Բավրայի անցակետը հատելուց հետո երկու օտարերկրյա քաղաքացի է մեկուսացվել. Շիրակի մարզպետ