ԵՐԵՎԱՆ, 14 մարտի — Sputnik. Հայաստանում կորոնավիրուսով վարակվելու ևս երկու դեպք է հայտնաբերվել։ Facebook սոցիալական ցանցի իր էջում լուրը գրել է ՀՀ առողջապահության նախարար Արսեն Թորոսյանը։
Բավրայի անցակետը հատելուց հետո երկու օտարերկրյա քաղաքացի է մեկուսացվել. Շիրակի մարզպետ
«Քիչ առաջ ավարտեցինք ևս 38 հետազոտություն, որից 36-ը բացասական էր, իսկ 2-ը` դրական: Դրական թեստով պացիենտները համաճարակաբանորեն կապված են Էջմիածնի դեպքի հետ և ի սկզբանե մեկուսացված են եղել»,–գրել է նա:
Նախարարը հայտնում է, որ այս պահին ունենք 15 հաստատված դեպք, որոնցից միայն մեկի մոտ առկա է թոքաբորբ:
Հիշեցնենք, որ մարտի 11-ին ՀՀ–ում կորոնավիրուսի երեք նոր դեպք էր հայտնաբերվել։ Վարակվածները եկել էին Իտալիայից։ Նրանցից մեկն Էջմիածնի բնակչուհի է և, ըստ լուրերի, գնացել էր Իտալիա` որդու ընտրյալի համար հարսանյաց զգեստ գնելու։ Դրանից հետո կինը մասնակցել է որդու նշանադրությանը։ Երեկ ՀՀ վարչապետ Նիկոլ Փաշինյանը հայտնեց` կինը թաքցրել է, որ ջերմություն ունի, և կաթիլային ընդունելուց հետո` գնացել է որդու նշանադրությանը։
Կորոնավիրուսով վարակվածների, մահացածների և բուժվածների թիվն աշխարհում. նոր տվյալներ