ԵՐԵՎԱՆ, 13 մարտի – Sputnik. AFP գործակալությունը Twitter –ի իր էջում հայտնում է, որ Իրանի անվտանգության ուժերը 24 ժամվա մեջ կմաքրեն փողոցները։
Իրանում կորոնավիրուսից մահացածների թիվը գերազանցել է 500-ը, վարակման 11 364 դեպք է գրանցվել։
Իրանի առողջապահության նախարարության տվյալներով` նախորդ օրվա մեջ կորոնավիրուսի վարակման 1 289 նոր դեպք է բացահայտվել։ Այս պահին 3 529 մարդ ապաքինվել ու դուրս են գրվել։ Մեկ օրվա մեջ 85 մարդ է մահացել։ Կորոնավիրուսի զոհերի քանակն ընդհանուր առմամբ հասել է 514–ի։
Այսպիսով` Իրանում արդեն չորրորդ օրն է կորոնավիրուսի զոհերի թիվը շարունակում է աճել։