ԵՐԵՎԱՆ, 12 մարտի — Sputnik. ՀՀ վարչապետ Նիկոլ Փաշինյանն ուժը կորցրած է ճանաչել 2020 թվականի մարտի 2-ի իր որոշումը` արդարադատության նախարար Ռուստամ Բադասյանին և փոխնախարար Քրիստինե Գրիգորյանին Ֆրանսիայի Հանրապետություն գործուղելու մասին։
Վարչապետի նոր որոշումը հրապարակվել է կառավարության կայքում։
Նրանք մարտի 25-28-ը Ֆրանսիայի Հանրապետությունում պետք է մասնակցեին Արևելյան Եվրոպայում և Կենտրոնական Ասիայում Հակակոռուպցիոն ցանցի բարձր մակարդակի, ինչպես նաև Արևելյան Եվրոպայում և Կենտրոնական Ասիայում Հակակոռուպցիոն ցանցի ղեկավար խմբի հանդիպումներին։
Նշենք, որ արտասահմանյան պաշտոնական գործուղումների չեղարկման մասին սա առայժմ առաջին հայտարարությունն է։ Sputnik Արմենիան գործողումների չեղարկման վերաբերյալ հարցում է ուղարկել կառավարություն, պատասխանը դեռ չենք ստացել։