ԵՐԵՎԱՆ, 4 մարտի — Sputnik. ՀՀ վարչապետ Նիկոլ Փաշինյանն այսօր` մարտի 4–ին, Ազգային ժողովում ասաց, որ ՀՀ ոստիկանության պետն ու ԱԱԾ տնօրենը կնշանակվեն մի քանի օրից։
«Որոշում ունեմ, ամսի 19-ին կհրապարակվի»,– ասաց Փաշինյանը։
Ոստիկանությունում փոփոխություններ կլինեն. Օսիպյանին փոխարինողը շեշտը կդնի գրագիտության վրա
Վարչապետը չբացահայտեց իր որոշումների բովանդակությունը, բայց և չթաքցրեց` այս մարմինների աշխատանքից լիարժեք գոհ չէ։
«Մենք պրոբլեմներ ունենք երկու համակարգերում էլ, և պետք է այդ պրոբլեմները համակարգված ձևով լուծենք։ Բայց ես այդ պրոբլեմների ամբողջ պատասխանատվությունը, բնականաբար, չեմ դնի ոստիկանության պետի ժամանակավոր պաշտոնակատարի ու ԱԱԾ տնօրենի ժամանակավոր պաշտոնակատարի վրա»,– ասաց նա։
Իսկ խնդիրները լուծված չեն, քանի որ, վարչապետի ձևակերպմամբ, դրա համար անհրաժեշտ է այդ խնդիրների ճշգրիտ ախտորոշում, որին, նրա գնահատմամբ, իշխանությունն առնվազն մոտ է։
Այլընտրանքը պետք է վերացվի. Փաշինյանը չի հանդուրժի Վանեցյանի ակտիվությունը
Հիշեցնենք` 2019թ.–ի սեպտեմբերի 19-ին ԱԱԾ տնօրենի ժամանակավոր պաշտոնակատար էր նշանակվել տնօրենի տեղակալ Էդուարդ Մարտիրոսյանը, իսկ ոստիկանության պետի ԺՊ` 1-ին տեղակալ Արման Սարգսյանը։
Ոստիկանապետ Վալերի Օսիպյանի հրաժարականի մասին հայտնի էր դարձել սեպտեմբերի 17-ին։ Նույն օրն Օսիպյանը Նիկոլ Փաշինյանի գլխավոր խորհրդական նշանակվեց, սակայն 1 շաբաթ անց հրաժարվեց այդ պաշտոնից։
ԱԱԾ տնօրեն Արթուր Վանեցյանը հրաժարական էր տվել 2019թ.–ի սեպտեմբերի 16-ին` հայտարարելով, որ նման որոշումը ստեղծված իրավիճակում և գալիքի համատեքստում համարում է Հայաստանի Հանրապետությանը և իր ժողովրդին ծառայելու ամենանախընտրելի և ամենահիմնավորված տարբերակը։