ԵՐԵՎԱՆ, 4 մարտի — Sputnik. Պեկինի ու Ռիոյի օլիմպիադաներում անարդարացիորեն երրորդ ու երկրորդ տեղերը զբաղեցրած հայ մարզիկները, որոնց արդյունքները հետագայում վերանայվել են պետությունից ևս հավելյալ պարգևատրման կարժանանան։ Այս մասին այսօր ԱԺ–ում` պատասխանելով «Իմ քայլը» խմբակցության անդամ Արսեն Ջուլֆալակյանի հարցին, ասաց ԿԳՄՍ նախարար Արայիկ Հարությունյանը։
«Մենք այդ արդարությունը կվերականգնենք, և այն հասանելիք գումարը, որ պետությունը հայտարարել ու հաստատել է, պետք է վճարվի»,– ասաց նախարարը։
Ջուլֆալակյանը հիշեցրեց, որ 2008 թ–ի Պեկինի օլիմպիական խաղերում հայ ծանրորդ Տիգրան Մարտիրոսյանը նվաճել էր բրոնզե մեդալ, իսկ 8 տարի անց` մրցակցի դոպինգ–թեստի ստուգման արդյունքով, վերանայվեց նաև Տիգրան Մարտիրոսյանի արդյունքը և նա արժանացավ արծաթե մեդալի։
Ռիոյի օլիմպիական խաղերում էլ հայ մարզիկ Սիմոն Մարտիրոսյանի նվաճած արծաթե մեդալը նույն վերանայման արդյունքում փոխարինվել է ոսկե մեդալով և Սիմոնյանը հռչակվել է օլիմպիական չեմպիոն։
«Ես սիրում եմ ճիշտն ասել...». ինչու է օլիմպիական արծաթե մեդալակիրն աշխատում դպրոցում
Սակայն, միջազգային ասպարեզում վերականգնված արդարությունը, պատգամավորի խոսքով, Հայաստանում դեռ չի վերականգնվել։ Բանն այն է, որ ՀՀ պետական պարգևավճարների համակարգով ոսկե մեդալի համար պետությունը մարզիկներին վճարում է` 20, արծաթի համար` 15, բրոնզի համար` 10 մլն դրամ։
«Օլիմպիադայից հետո 2-իդ էլ կամուսնացնենք». Գյումրու քաղաքապետն ընդունեց հաղթած ըմբիշներին
Այսպիսով, փաստորեն, հայ մարզիկները մինչ օրս իրենց իրական հասանելիք պարգևավճարներից 5 մլն դրամ պակաս գումար են ստացել։