Հայաստանի բանկերի միության նախկին նախագահ, Եվրասիական համագործակցության ֆինանսաբանկային ասոցիացիայի փոխնախագահ Սամվել Ճզմաչյանի թոռնուհին՝ 7- ամյա Կարինա Կարապետյանը, «բացահայտել» է կորոնավիրուսից պաշտպանվելու ձևը։ Նա իր «գաղտնիքը» ներկայացրել է տեսանյութով։
«Բժշկուհի» Կարինան անձամբ է նախաձեռնել տեսաուղերձը և իր կոչն ուղղել առավելապես երեխաներին։
«Ուզում եմ ձեզ տեղեկացնել, որ կորոնավիրուսը եկել է Հայաստան։ Այն տարածվում է ու տարածվում», - առավելագույն լրջությամբ ու տագնապով հայտնում է աղջնակը։
Հրաշք բալիկը կոչ է անում բոլորին գնել դիմակներ և ուտել կամ հոտոտել սխտոր։
«Երեխաներ, այս հայտարարությունը ձեզ համար է։ Նույնիսկ եթե դուք չեք ուզում, խնդրում եմ` կերեք և հոտոտեք սխտոր, որպեսզի չհիվանդանաք», - կոչ է անում երեխան։
Թայվանցի փոքրիկներն Արամ Խաչատրյան են նվագում. տեսանյութ
Հիշեցնենք, որ Հայաստանում այսօրվա դրությամբ դեռ մեկ կորոնավիրուսով վարակման դեպք կա։ Դեպքի մասին հայտնի դարձավ մարտի 1-ի վաղ առավոտյան. վարակվածը 29-ամյա տղամարդ է: Նա Իրանից Հայաստան է ժամանել փետրվարի 28-ին: Տղամարդն իրեն լավ է զգում, և գանգատներ չունի։
Ինչպես է փոքրիկը կերակրում հիվանդ պապիկին. հուզիչ տեսանյութ