ԵՐԵՎԱՆ, 28 փետրվարի — Sputnik. Sputnik Գրուզիայի հաղորդմամբ`այսօր ճեպազրույցի ժամանակ Վրաստանի Հիվանդությունների վերահսկման և հանրային առողջության ազգային կենտրոնի ղեկավար Ամիրան Գամկրելիձեն հայտնել է, որ Վրաստանում COVID-2019 կորոնավիրուսով վարակվելու ևս մեկ դեպք է գրանցվել։
«Երեկ գիշեր կորոնավիրուսով վարակվելու ևս մեկ դեպք է գրանցվել։ Այդ մարդը Վրաստանի քաղաքացի է, Իտալիայում է եղել։ Նրա առողջական վիճակը բավարար է»,–ասել է Գամկրելիձեն։
Նա չի բացառել, որ Թբիլիսիի ինֆեկցիոն հիվանդանոցում գտնվող մարդկանց թվում նույնպես կարող են վարակվածներ լինել։
Նշենք, որ փետրվարի 26–ին Վրաստանում հաստատվել է կորոնավիրուսով վարակի առաջին դեպքը։ Վարակվածը Վրաստանի քաղաքացի էր, որը նախորդ օրն էր վերադարձել Իրանից։ 50 տարեկան տղամարդը Վրաստան էր հասել Ադրբեջանով։ Առողջապահության նախարարը նշել էր, որ վարակված տղամարդն անմիջապես տեղափոխվել է Թբիլիսիի ինֆեկցիոն հիվանդանոց` առանց այլ մարդկանց հետ շփվել հասցնելու։
Չինաստանում կորոնավիրուսով վարակվածների 46%–ն ապաքինվել են. նոր տվյալներ
Վրաստանի վարչապետ Գեորգի Գախարիան միջգերատեսչական արտակարգ խումբ է ստեղծել։ Որոշվել է երկու շաբաթով արգելել Վրաստանի ու Իրանի ցամաքային հաղորդակցությունը։
Դրանից բացի` կորոնավիրուսի տարածման պատճառով Վրաստանը ժամանակավոր դադարեցրել է չվերթերը ՉԻնաստանից ու Իրանից։ Արգելվել է նաև Չինաստանից կենդանիների ներմուծումը։ Վրաստանի օդանավակայաններում ու անցակետերում մասնագետները ստուգում են բոլոր զբոսաշրջիկներին։
«Թու, թու, թու...» . Փաշինյանը կորոնավիրուսի վերաբերյալ գրառում է արել
Չինաստանի առողջապահության պետական կոմիտեն հայտնում է, որ այսօրվա տվյալներով` նոր COVID-2019 տեսակի կորոնավիրուսով վարակվածների մոտ 46%–ը Չինաստանում ապաքինվել ու դուրս են գրվել հիվանդանոցից։ Վերջին տվյալների համաձայն` վարակվածների թիվը Չինաստանում 78 824–ի է հասել, նրանցից 36 117 (45,8%) մարդ ապաքինվել են։ Այս պահին 39 919 մարդ դեռ հիվանդանոցում են։
Իրանում կորոնավիրուսով վարակվածների թիվն ավելանում է. նոր տվյալներ