ԵՐԵՎԱՆ, 28 փետրվարի – Sputnik. «Ռոմայի» և Հայաստանի ազգային հավաքականի ֆուտբոլիստ Հենրիխ Մխիթարյանը նոր լուսանկար է հրապարակել Faecbook–ում ու հակիրճ գրառմամբ անդրադարձել Եվրոպայի լիգայի 1/8 եզրափակիչ դուրս գալուն։
«Մենք պատրաստ ենք հաջորդ փուլին»,- Ջասթին Կլյուվերտի հետ լուսանկարին կից գրել է Մխիթարյանը։
Հիշեցնենք, որ Եվրոպայի լիգայի 1/16 եզրափակիչում երեկ «Ռոման» մրցեց «Գենտի» հետ ու 1:1 հաշվով ավարտեց հանդիպումը: Երկու խաղի արդյունքում հռոմեացիները 2:1 հաշվով առավելության հասան ու դուրս եկան հաջորդ փուլ:
«Մխիթարյանը հրաշալի ֆուտբոլիստ է». «Ռոմայի» մարզիչը խոսել է նրա` թիմում մնալ–չմնալու մասին
Հանդիպման հաշիվը բացեց «Գենտի» կանադացի հարձակվող Ջոնաթան Դևիդը, մի քանի րոպե հետո հաշիվը հավասարեցրեց Ջասթին Կլյուվերտը՝ Մխիթարյանի փոխանցումից հետո գրավելով բելգիացիների դարպասը:
1/8 եզրափակիչի վիճակահանությունը տեղի կունենա փետրվարի 28-ին։
Հենրիխ Մխիթարյանի գոլային փոխանցումն անիմացիայի են վերածել. տեսանյութ