ԵՐԵՎԱՆ, 26 փետրվարի – Sputnik. Թեհրան-Երևան ինքնաթիռը, որը 52 ուղևորի փոխադրեց «Զվարթնոց» օդանավակայան մեր մասնագետի ուղեկցությամբ, բարեհաջող վայրէջք կատարեց: Տեղեկությունը Facebook սոցիալական ցանցի իր էջում հայտնում է ՀՀ առողջապահության նախարար Արսեն Թորոսյանը։
«Բոլոր ուղևորները նորից զննվել և ջերմաչափվել են, ինչը բավարար միջոց է այս պահին: Նրանք կգտնվեն տնային հսկողության տակ: Հաջորդ չվերթը լինելու ուրբաթ օրը: Նույն ընթացակարգով կիրականացվեն բոլոր կանխարգելիչ միջոցառումները»,– գրել է նա։
ՀՀ արտաքին գործերի նախարարի մամուլի խոսնակ Աննա Նաղդալյանը երեկ Sputnik Արմենիային հայտնել էր, որ Իրանից Հայաստան վերադառնալու ցանկություն է հայտնել ՀՀ 65 քաղաքացի։
Կորոնավիրուսի ստուգման նպատակով Հայաստանում 1 ամսում 37 մարդ է հոսպիտալացվել
Իրանում ՀՀ դեսպանությունը, հաշվի առնելով երկրում կորոնավիրուսի հետ կապված իրավիճակը և վարակի հնարավոր տարածման վտանգը, հորդորել էր ԻԻՀ տարածքում գտնվող հայաստանցիներին կապ հաստատել դեսպանության հետ և գտնվելու վայրի վերաբերյալ տեղեկություն տրամադրել:
Կորոնավիրուսի պատճառով ՊՆ–ն արգելել է զորամասերում այցելություններն ու արձակուրդները