ԵՐԵՎԱՆ, 24 փետրվարի – Sputnik. ՀՀ ոստիկանության մամուլի ծառայությունը հայտնում է, որ փետրվարի 14-ից 24-ը ճանապարհային ոստիկանները մի շարք խախտումներ են արձանագրել, ինչի հետևանքով տասնյակ վարորդներ զրկվել են վարորդական իրավունքի վկայականից։
Նշվում է, որ նրանցից 5-ը երթևեկել են առանց համարանիշի, 2-ը հրաժարվել են անցնել սթափության զննություն, 12-ը եղել են ոչ սթափ և նրանց արյան մեկ լիտրի մեջ մաքուր ալկոհոլի պարունակությունը գերազանցել է 1 գրամը կամ նրանց մեկ լիտր արտաշնչած օդի մեջ մաքուր ալկոհոլի պարունակությունը գերազանցել է 0․5 միլիգրամը, 2 վարորդի մեքենաների վրա տեղադրված են եղել գերհզոր ձայնաազդանշանային համակարգ և կարմիր ու կապույտ փարոսիկներ, մի վարորդ մեքենան վարել է փոխարինված դեղին համարանիշով, ևս մեկը մեկ տարում երկրորդ անգամ մեքենան վարել է ոչ սթափ վիճակում, իսկ մի վարորդ էլ չի ենթարկվել ճանապարհային ոստիկանի օրինական պահանջին և դիմել է փախուստի։
«Ի՞նչ անեմ, կախվե՞մ». վարորդ Հրաչյա Հարությունյանին նորից են դատում. բացառիկ հարցազրույց
19 վարորդի նկատմամբ նախապատրաստված նյութերն ուղարկվել են դատախազություն՝ ոչ սթափ վիճակում, առանց վարորդական իրավունքի վկայականի մեքենա վարելու համար։
Ճանապարհային ոստիկանությունը ևս մեկ անգամ վարորդներին հորդորում է պահպանել ճանապարհային երթևեկության կանոնները։
Նշենք, որ 2020 թվականի հունվարի 1-ից 29-ն ընկած ժամանակահատվածում ՃՈ ճանապարհապարեկային ծառայության ստորաբաժանումները հայտնաբերվել էին ոչ սթափ վիճակում են մեքենան վարող 138 վարորդի, որոնք 1 տարով զրկվել են տրանսպորտային միջոցներ վարելու իրավունքից։
Վարորդներին հատկացվող բալային համակարգը կարող է վերանայվել
Հիշեցնենք, որ այս տարվա հունվարի 1-ից Հայաստանում ուժի մեջ է մտել տուգանային միավորների նոր համակարգը։
Տեսասարքերով արձանագրված խախտումների համար այն գործում է հունվարի 1-ից, ՃՈ տեսուչների արձանագրած խախտումների համար` սեպտեմբերի 1-ից։