ԵՐԵՎԱՆ, 22 փետրվարի — Sputnik. Հայտնի հաղորդավարուհի Թինա Կանդելակին հրապարակել է կին-տղամարդ հարաբերությունների մասին իր մտորումները` պատասխանելով հետևորդներից մեկի հարցին` արժի՞ արքայազնի սպասել, թե պետք է փոխզիջման գնալ։ Կանդելակիի գրառումն այնքան է հիացրել օգտատերերին, որ բաժանորդներից մեկը գրել է․ ««Ում-ում, բայց Աստված նրան խելք տվել է»։ Այս մեկնաբանությունը հարյուրավոր «like»–երի է արժանացել։
«Կյանքն այնպես է կառուցված, որ մենք մի քանի անգամ ենք հանդիպում մեր երկրորդ կեսերին։ Մարդիկ կյանքի ընթացքում փոխվում են, այդ պատճառով էլ մենք անընդհատ ենք բացահայտում մեր երկրորդ կեսերին։ Տղամարդը կարող է 1000 հազար անգամ վերածվել «քիչ թե շատ» արքայազնի և հակառակը», - գրել է նա։
Ոչ մի մարզասարք. Թինա Կանդելակին ներկայացրել է վարժություններ` կատարյալ կազմվածքի համար
Կանդելակին սիրո զգացողությունը կասկածի տակ չի դրել, բայց նշել է, որ Ռոմեոյի և Ջուլիետի մասին պատմությունը կյանքից հեռու ռոմանտիկա է համարում։
«Մենք հաճախ ենք լսում, որ կինն ամուսնացավ, երեխա ունեցավ, ու դա դարձավ նրա կյանքի իմաստը։ Կարծում եմ՝ դա վտանգավոր մարտավարություն է։ Իսկ այ տղամարդուց չես լսի, որ ամուսնացավ, ու նրա կյանքն իմաստավորվեց, քանի որ տղամարդիկ ուզում են հաջողակ լինել։ Ձեզնից է կախված՝ ով կդառնա տղամարդը, կախված է նրանից՝ որքան կարող ես քո տղամարդու համար ընկեր լինել, դառնալ այն թիկունքը, որին կարող է հենվել սար բարձրացող ամենաուժեղ տղամարդը։ Եթե դուք դա կարողանաք անել, ուրեմն միշտ կլինեք արքայազնի հետ, միայն թե ձե՛ր արքայազնի, ուրիշներինը մեզ պետք չեն», - խորհուրդ է տվել Կանդելակին իր հետևորդներին։
Օգտատերերի կարծիքով՝ Կանդելակիի ու նրա երկրորդ ամուսնու՝ Վասիլի Բրովկոյի սիրո պատմությունն ապացուցում է հաղորդավարուհու ասածը։
Բրովկոն և Կանդելակին արդեն 5 տարի միասին են: Սա Թինայի երկրորդ ամուսնությունն է: Նրա առաջին ամուսինը նկարիչ և գործարար Անդրեյ Կոնդրախինն է:
Կանդելակին բավականին ակտիվ գործունեություն է ծավալում, նա ոչ միայն Match TV սպորտային հեռուստաալիքի գլխավոր պրոդյուսերն է, այլև ռեստորանի, գեղեցկության սրահի սեփականատեր, Ansaligy կոսմետիկ բրենդի հիմնադիրը։
Թինա Կանդելակին հաճախ է հիշում իր հայ–վրացական արմատների մասին։