ԵՐԵՎԱՆ, 21 փետրվարի — Sputnik. Հայ ծանրորդ Սիմոն Մարտիրոսյանն աշխարհի երկրորդ լավագույն ծանրորդն է։ Ծանրամարտի միջազգային ֆեդերացիան (IWF) ամփոփել է 2019 թվականի աշխարհի լավագույն ծանրորդի համար անցկացված մրցույթի արդյունքները:
Ինչպես տեղեկացնում է ֆեդերացիայի պաշտոնական կայք էջը, 2019 թվականի աշխարհի լավագույն ծանրորդի կոչմանն արժանացել է վրացի գերծանր քաշային Լաշա Տալախաձեն: Նրա օգտին քվեարկել է 17084 մարդ: Մեր մարզիկը ստացել է 5514 ձայն։ Երրորդ հորիզոնականում չինացի Լյույ Սյաոցյունն է՝ 2169 ձայնով:
Չորրորդ հորիզոնականում կրկին Չինաստանի ներկայացուցիչն է` Շի Չժիյունը` 1053 ձայնով։ Եվ լավագույն հնգյակն ամփոփում է Հյուսիսային Կորեայի ներկայացուցիչ Օմ Յուն Չխոլը. նրա օգտին քվեարկել են 410 մարզասեր։
Ինչպես արդեն տեղեկացրել էինք, հանրահայտ ծանրամարտիկ Սիմոն Մարտիրոսյանը հավակնում էր «Տարվա ծանրամարտիկ» կոչմանը: Ծանրամարտի միջազգային ֆեդերացիան իր պաշտոնական կայքում քվեարկությունէր անցկացնում, որի արդյունքում պետք էր որոշել, թե 5 ծանրորդներից ով է լավագույնը։
«Օլիմպիադայից հետո 2-իդ էլ կամուսնացնենք». Գյումրու քաղաքապետն ընդունեց հաղթած ըմբիշներին