ԵՐԵՎԱՆ, 19 փետրվարի — Sputnik. Հայաստանի և Չինաստանի միջև 2020 թվականի համար նախանշված ծրագրերն անպայման կիրականացվեն։ Հայաստանի նկարիչների միությունում այսօր կազմակերպված միջոցառման ժամանակ նման համոզմունք հայտնեց Հայաստանում Չինաստանի դեսպան Տյան Էրլունը։
Մոլորակի բնակչության 66%–ը կարող է կորոնավիրուսով վարակվել. ԱՀԿ փորձագետ
«Փետրվարին մենք Չինաստանից պատվիրակության էինք սպասում, սակայն նրանց այցելությունը կորոնավիրուսի համաճարակի պատճառով հետաձգվել է», – Sputnik Արմենիայի հետ զրույցում ասաց դեսպանը։
Նա վստահեցրեց սակայն, որ սա ժամանակավոր երևույթ է, և շուտով այցը կկայանա։
Դեսպանը նշեց, որ Չինաստանում հսկայական ջանքեր են գործադրել, մի քանի տասնյակ հազարավոր բժիշկներ կենտրոնացած են կորոնավիրուսի դեմ պայքարի վրա։ Եվ սա իր դրական արդյունքն է տալիս. վերջին 15 օրերին նվազել է կորոնավիրուսով վարակվածների և ավելացել հիվանդանոցներից դուրս գրվածների թիվը։
Կորոնավիրուսն առարկաների վրա կարող է ապրել ավելի երկար, քան ենթադրվում էր․ հետազոտություն
Դեսպանը շոյված էր հայ նկարիչների կազմակերպած ակցիայից։ Երկու օր 6 հայ նկարիչ հայկական աղոթքի ուղեկցությամբ համանման կտավներ են կերտել։ Նկարիչներն իրենց այս նախաձեռնությամբ նպատակ ունեն աջակցել Չինաստանի ժողովրդին կորոնավիրուսի համաճարակի դեմ պայքարում։
«Նկարիչների նախաձեռնությունն ամբողջությամբ արտացոլում է երկու երկրների և ժողովուրդների միջև բարեկամության խոր զգացումը, որը երկար տարիների պատմություն ունի»,–ասաց դեսպանը։
Հայաստանը քեզ հետ է, Չինաստա՛ն. գոտեպնդող տեսանյութ կորոնավիրուսի դեմ պայքարողների համար
Նրա խոսքով` անկախ նրանից, որ Չինաստանը համախմբել է ողջ ուժերը` ֆինանսական միջոցները, մարդկային ռեսուրսները, իրենց համար նման աջակցությունը շատ կարևոր է։