Տնտեսագետ Ատոմ Մարգարյանի կարծիքով` այսպիսի կառույցի գոյությունը, որը բոլոր հոսքերը կարող է, ըստ էության, դիտարկել, տեսանելի տեղեկատվություն կուտակել ու ներկայացնել որոշում կայացնողներին, բխում է այն ընդհանուր ռազմավարությունից կամ քաղաքականությունից, որը որդեգրել է Նիկոլ Փաշինյանի կաբինետը։
«Նկատի ունեմ այն, որ նպատակը հակակոռուպցիոն պայքարի, անօրինական փողերի լվացման դեմ պայքարի քաղաքականության համատեքստում գործադիր իշխանության համար տեղեկությունը հասանելի դարձնելն է»,– ասաց նա։
Հաշվեքննիչ պալատը պետական պարտքի կառավարման մեջ ռիսկեր է գտել
Մարգարյանի գնահատմամբ` եթե ֆինանսական դիտարկումների կենտրոնը կամ առհասարակ այդ գործառույթն անհրաժեշտ է Կենտրոնական բանկին դրամավարկային քաղաքականության ընդհանուր շրջանակը հստակեցնելու և դրամաշրջանառությանը վերաբերող որոշումներ կայացնելու համար, ապա մյուս կողմից էլ պետք է ենթադրել, որ հիմնական շեշտադրումը, նպատակը կապված է ֆինանսական հոսքերի ուղղության, սուբյեկտների օրինականության և նմանատիպ այլ հարցերի շուրջ քննարկումներ անցկացնելու կամ որոշումներ կայացնելու հետ։
Թե՛ Շվեյցարիայում, թե՛ Հայաստանում բանկերը կատարում են հասարակության պահանջը. Գրիգորյան