ԵՐԵՎԱՆ, 18 փետրվարի – Sputnik. Արմավիրի մարզի գյուղերից մեկի բնակիչ, 56-ամյա Խաչիկ Ա-ն զանգել է Ոստիկանության Երևան քաղաքի վարչության օպերատիվ կառավարման կենտրոն է ահազանգել և հայտնել, որ պատրաստվում է Երևանում գործող Գերմանիայի դեսպանատունը պայթեցնել։
Shamshyan.com–ը հայտնում է, որ տղամարդը զանգել է երեկ` փետրվարի 17-ին, ժամը 12։50-ի սահմանում։
Ոստիկանները կարճ ժամանակում պարզել են ահազանգողի ինքնությունն ու բնակության վայրը և ժամանել տղամարդու տուն։
Պարզվել է, որ նա ցանկացել է պայթեցնել Գերմանիայի դեսպանատունը, որպեսզի միջազգային սկանդալ լինի, քանի որ Գերմանիայից իրեն արտաքսել են, իսկ կինը մնացել է այնտեղ։
Ահազանգի փաստով նյութեր են նախապատրաստվում Ոստիկանության Արմավիրի բաժնի հետաքննչական բաժանմունքում։
Կրակոցներ Արարատի մարզում. 55-ամյա տղամարդը գլխի վնասվածքներ է ստացել