ԵՐԵՎԱՆ, 17 փետրվարի – Sputnik. Երևանի Աջափնյակ վարչական շրջանի ղեկավար Գևորգ Բաբայանը պաշտոնից ազատվելու դիմում է գրել։ Նա իր որոշման մասին գրել է Faecbook սոցիալական ցանցի իր էջում։
«Սիրելի՛ աջափնյակցիներ, դիմում եմ ներկայացրել դադարեցնելու իմ լիազորությունները որպես վարչական շրջանի ղեկավար՝ իմ գիտելիքները, ուժն ու եռանդը ծառայեցնելով մեկ այլ ազգօգուտ գործում։ Արդյունավետ աշխատանք և հաջողություններ եմ մաղթում վարչական շրջանի նոր ղեկավարին: Լիահույս եմ, որ նոր ղեկավարը, պատրաստ կլինի կիսելու վարչական շրջանի հոգսերը․ Աջափնյակը շարունակելու է զարգանալ, և ես, իմ հնարավորությունների սահմաններում, շարունակելու եմ աջակցել և նպաստել այդ գործընթացին ուղղված ցանկացած նախաձեռնություն»,– գրել է նա։
Բաբայանը գործընկերներն ու աջափնյակցիներին շնորհակալություն է հայտնել միասնական և նվիրված աշխատանքի, իրեն աջակցելու և վստահելու համար:
Գևորգ Բաբայանը ծնվել է 1990թ. հունվարի 7-ին Երևանում։ 1996-2006թթ. ուսանել է Երևանի թիվ 108 միջնակարգ դպրոցում։
2008-2010 թթ. ծառայել է ԼՂՀ զինված ուժերում։ 2010-2014թթ. սովորել է Հայաստանի պետական ճարտարագիտական համալսարանի մեխանիկամեքենագիտական ֆակուլտետում ու ստացել բակալավրի աստիճան։ 2014-2016թթ. սովորել է Ուրալի դաշնային համալսարանի (Уральский Федеральный Университет-УрФУ) ռադիոէլեկտրոնիկայի և տեղեկատվական տեխնոլոգիաների ինստիտուտում՝ ստանալով մագիստրոսի կրթական աստիճան։
2012-2014թթ. աշխատել է «AG print» տպագրատանը՝ որպես տպագրիչի օգնական, տպագրիչ։ 2014-2015թթ. աշխատել է «Цельсий» տպարանում (ՌԴ)՝ որպես տեխնոլոգ, ապա՝ արտադրության պետ։ 2015-2016 թթ. աշխատել է «НВН» տպագրատանը (ՌԴ)՝ որպես նախատպագրական բաժնի պետ։ 2015թ. փետրվարից մինչև 2016թ.-ի սեպտեմբերն աշխատել է Ուրալի դաշնային համալսարանում (УрФУ)՝ որպես կրտսեր գիտաշխատող։ 2016-2018թթ. աշխատել է «Լիմուշ» տպագրատանը՝ որպես դիզայներ, օպերատոր։
Ոստիկանության նախկին պաշտոնյան 46 միլիոն դրամից ավելի գումար է «ստացել». տեսանյութ
2016թ.-ից հանդիսանում է «Քաղաքացիական պայմանագիր» կուսակցության անդամ։ 2018 թվականի սեպտեմբերի 23-ին կայացած Երևանի ավագանու արտահերթ ընտրությունների արդյունքում «Իմ քայլը» կուսակցությունների դաշինքի ընտրական ցուցակով ընտրվել է Երևանի ավագանու անդամ: Աջափնյակ վարչական շրջանի ղեկավարի պարտականությունները ստանձնել էր 2018 թվականի նոյեմբերի 1-ին։
Ծառայողական կրքեր ԱԻՆ–ում. ինչո՞ւ է սերժանտ Ծատուրովը որոշել դատարան դիմել