ԵՐԵՎԱՆ, 17 փետրվարի — Sputnik. ՀՀ քննչական կոմիտեն տեղեկացնում է` Շենգավիթ վարչական շրջանի 5 մանկապարտեզների սննդամթերքի մուտքի և ելքի հաշվառման գրանցամատյաններում կատարվել են կեղծ գրառումներ՝ անհետացող թանաքի օգտագործման միջոցով:
«2020թ. փետրվարի 7-ին Շենգավիթ վարչական շրջանի ղեկավարը ոստիկանություն գրություն է ներկայացրել, որ իրենց ենթակայությամբ գործող 21 մանկապարտեզներում մատուցվող ծառայությունների նկատմամբ հսկողության արդյունքում խախտումների մասին հիմնավոր կասկածներ են ի հայտ եկել։ Դեպքի առթիվ հարուցվել է քրեական գործ՝ ՀՀ քրեական օրենսգրքի 314-րդ (պաշտոնեական կեղծիք) հոդվածի 1-ին մասով»,–նշված է հաղորդագրության մեջ:
Գրանցել կարող են, բայց... ինչ է պետք երկու տարեկան երեխային մանկապարտեզ ընդունելու համար
Նախաքննության ընթացքում պարզվել է, որ նշված մանկապարտեզներից 5-ում սննդի մուտքի և ելքի գրանցամատյաններում օգտագործվել են ջերմային ներգործության հետևանքով անհետացող գրելանյութով գրիչներ: Մատյանների ուսումնասիրությամբ պարզվել է նաև, որ բազմաթիվ դեպքերում տարբեր տեսակի սննդամթերքի մուտքի-ելքի սյունակներում գրված սկզբնական թվերը պարբերաբար փոփոխվել են:
Նախաքննությունը շարունակվում է:
Սիսիանի մանկապարտեզներին ռուսական կարագի փոխարեն սփրեդ են մատակարարել