ԵՐԵՎԱՆ, 16 փետրվարի – Sputnik. Փետրվարի 16-ի առավոտյան տղամարդը ժամերգության ժամանակ Մոսկվայի Նիկոլայ Հրաշագործի տաճար է ներխուժել ու երկու մարդու վիրավորել։ Ոստիկանները թեժ հետքերով ձերբակալել են Լիպեցկի մարզի 26-ամյա բնակչին, որը զինված է եղել դանակով։
ԶԼՄ-ների տվյալների համաձայն՝ հարձակվողի անունը Եֆիմ Եֆիմով է։Նախնական վարկածի համաձայն՝ նա խուլիգանական նկատառումներից ելնելով է հանցագործություն գործել։ Տուժածներին հիվանդանոց են տեղափոխել։
Նշվում է, որ տուժածները եկեղեցու սպասավորներ են։ Ծխականներն ասել են, որ հանցագործը նպատակաուղղված դեպի խորան էր գնում, բայց նրան կանգնեցրել են։
Խոշոր չափի գողություն «Ֆլեշ» ՍՊԸ-ին պատկանող բենզալցակայանից
Տաճարի հոգևոր հայրն ասել է, որ սկզբում տղամարդը վազել է կենտրոնական խորան, իսկ երբ հոգևորականն ու օգնականը մոտեցել են, որ հարցնեն՝ ինչ է պատահել, նա դանակ է հանել ու հարվածել նրանց։ Այդ պահին մոտակայքում եղած մարդիկ օգնության են հասել, սակայն հարձակվողը հասցրել է ևս մեկի վիրավորել։
Այլ հանգամանքները պարզվում են։