Նարեկ Սամսոնյանը ՀՔԾ–ում հարցաքննվում է. նա կարծում է` Փաշինյանի ցուցումով է այնտեղ

Նարեկ Սամսոնյանն արդեն ունի մեղադրյալի կարգավիճակ, սակայն չգիտի` որ գործի շրջանակներում է կանչվել քննչական մարմին։
Sputnik

ԵՐԵՎԱՆ, 15 փետրվարի – Sputnik. «Քաղաքացիական գիտակցություն» ՀԿ նախագահ Նարեկ Սամսոնյանը որպես մեղադրյալ կանչվել է ՀՔԾ՝ հարցաքննության: Սամսոնյանը, ըստ ՀՔԾ ծանուցագրի, մեղադրվում է սուտ մատնություն կատարելու համար:

Արարատ Միրզոյանը դատի է տվել Նարեկ Սամսոնյանին

Նարեկ Սամսոնյանը բերման է ենթարկվել

«Տեղյակ չեմ, թե որ գործով են ինձ որպես մեղադրյալ ներգրավել։ Սակայն սա բացահայտ քաղաքական հետապնդում է։ Ավելին, սա Նիկոլ Փաշինյանի ցուցումով տեղի ունեցող գործընթաց է, որն ունի երկու նպատակ։ Նախ ուզում են Anifake.am-ի գործունեությունը (խմբ.` կայքի հիմնադիրրն է) խոչընդոտել, մեր աղբյուրները նվազեցնել, ինչպես նաև ցույց տալ, թե ով Փաշինյանի ընտանիքի արած վատ բաները հրապարակի, նման հետապնդման կենթարկվի»,– ՀՔԾ–ի մոտ հավաքված լրագրողներին մինչ հարցաքննության մտնելն ասաց Սամսոնյանը։

«Մասկի շոու» և ձեռնաշղթաներ. Քոչարյանը խոսել է ակտիվիստներին բերման ենթարկելու մասին

Բացի այդ, ըստ նրա, ուզում են իրեն մեկուսացնել մինչև հանրաքվեն և գուցե փախանման միջոց ընտրեն մինչև երկու ամիս կալանավորումը։

Սամսոնյանը հայտնեց` հրաժարվելու է ցուցմունք տալ։

Հիշեցնենք, որ Սամսոնյանը որոշ ժամանակ առաջ Facebook–ի իր էջում գրառում էր կատարել այն մասին, որ վարչապետի ընտանիքն ամեն ամիս ռեստորաններից մեկից գնում է 5000 դոլար արժողությամբ սև խավիար։

Հունվարի 28-ին Սամսոնյանը բերման էր ենթարկվել և ժամեր անց ազատ արձակվել։