ԵՐԵՎԱՆ, 6 փետրվարի – Sputnik. ՀՀ վարչապետ Նիկոլ Փաշինյանի որոշմամբ Կարեն Սարգսյանը նշանակվել է Ջրային կոմիտեի նախագահ: Տեղեկությունը հայտնում է ՀՀ կառավարության մամուլի ծառայությունը:
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 7-րդ մասով՝ Կարեն Սարգսյանին նշանակել ջրային կոմիտեի նախագահ»,- նշված է հաղորդագրության մեջ:
Հիշեցնենք, որ մինչ այդ Ջրային կոմիտեի նախագահը Վարդան Մելքոնյանն էր, որը ՀՀ վարչապետի որոշմամբ այս տարվա հունվարի 9-ին ազատվել էր պաշտոնից։
Մելքոնյանն այդ պաշտոնում էր նշանակվել 2019 թվականի մարտի 29-ին։