ԵՐԵՎԱՆ, 5 փետրվարի— Sputnik. Դերասան Գրիգ Գևորգյանի կինը` պարուհի Սոնա Եսայանը, insragram-ի իր էջում զվարճալի տեսանյութ է հրապարակել ամուսնու հետ։ Տեսանյությում Սոնան փորձում է պարզել, թե ինչ նվեր պետք է ստանա փետրվարի 14–ին`Սուրբ Վալենտինի տոնի կապակցությամբ։
Ովքեր և ինչպես ամուսնացան 2019 թվականին. աղմկահարույց հարսանիքների 5–յակ
«Շատ կարճ` իմ Վալենտինի նվերի մասին»,–տեսանյութին կից գրել է Սոնան։
Հայտնի զույգի երկրպագուներին տեսանյութը մի լավ ուրախացրել է։ Նրանք համաձայնել են, որ հայ տղամարդը որքան էլ փորձի ռոմանտիկ քայլեր անել, միևնույն է` կլինեն թերացումներ։
««Այ սա եղավ հայկական «ավանդական» Վալենտին», «տղաների մեծ մասն այդպես է վարվում», «Ինչ լավն եք»»,–գրել են նրանք։
Հիշեցնենք, որ զույգն ամուսնացել է 2019 թվականի սեպտեմբերի 8-ին` ավելի քան վեց տարի ընկերություն անելուց հետո:
Գրիգն ու Սոնան հայկական ավանդական հարսանեկան արարողություն չէին կազմակերպել, այլ ամեն ինչ արել էին, որ առավելագույնս վայելեն իրենց կյանքի կարևորագույն օրը: Նրանք հրաժարվել էին հարսի պարից, շոու ծրագրից և այն ամենից, ինչը կարող էր իրենց անհանգստություն պատճառել, անտեղի ժամանակ խլել ու լարվածություն առաջացնել:
«2020 թվական, բռնվի՛ր». Գրիգի և Սոնայի սիրառատ լուսանկարը Դուբայից