ԵՐԵՎԱՆ, 5 փետրվարի — Sputnik. Բրիտանացի դերասան, «Մթնշաղ» ու «Բեթմենը» ֆիլմերի աստղ Ռոբերտ Փեթինսոնն աշխարհի ամենագեղեցիկ տղամարդն է համարվել։ տեղեկությունը հրապարակել է The Sun պարբերականը։
Դերասանին ամենագեղեցիկ են ճանաչել «ոսկե հատման սկզբունքի» համաձայն։
Գեղեցկության գնահատման այդ մեթոդը հաշվարկում է մարդու դեմքի համամասնությունը «ոսկե հատման» մաթեմատիկական բանաձևի միջոցով։ Դա արվում է ժամանակակից համակարգչային միջոցներով, որը մշակել է հայտնի պլաստիկ վիրաբույժ Ջուլիան Դե Սիլվան։
Պարզվել է` 33–ամյա Փեթինսոնի դեմքը 92,15%–ով մոտ է «կատարելությանը»։ Երկրորդ տեղում է հայտնել «Սուպերմենի» դերակատար Հենրի Քավիլը։ Նրա դեմքի համաչափությունը 91,64%–ով կատարյալ է։ Ամենագեղեցիկ տղամարդկանց եռյակը եզրափակում է Բրեդլի Քուփերը, նրա ցուցանիշը 91% է։
ԱՄՆ–ում ընտրեցին «Միսս Ամերիկային»
Գեղեցիկ տղամարդկանց շարքն են դասվել նաև Ջորջ Քլունին ու Բրեդ Փիթը։ Լավագույն տասնյակում ընդգրկվել են Հյու Ջեքմանը, Իդրիս Էլբան, Դևիդ Բեքհեմը, Ռայան Գոսլինգն ու Քանյե Ուեսթը։