Չինաստանում կորոնավիրուսից մահացածների պաշտոնական թիվը հասել է 361–ի, ևս 17 205 մարդ վարակված է։ Հիվանդներից 2296–ի վիճակը գնահատվում է ծանր, և միայն 475–ն են առողջացել ու դուրս գրվել հիվանդանոցներից։ Վերջին երկու օրվա ընթացքում գրանցվել է վարակի 2829 նոր դեպք։
Չինաստանի սահմաններից դուրս գրանցվել է կորոնավիրուսից մահանալու առաջին դեպքը
Իսկ Չինաստանից դուրս` աշխարհի այլ երկրներում, կորոնավիրուսով հիվանդների թիվը պաշտոնական տվյալներով հասել է 148–ի։
Չինաստանի իշխանությունը պաշտոնապես հաստատել է, որ վիրուսը մարդուց մարդու է փոխանցվում։
Կորոնավիրուսի զոհերի թիվն աշխարհում անցել է մի քանի հարյուրը. 21 558 մարդ կասկածի տակ են
Բժիշկների խոսքով` կորոնավիրուսի հիմնական ախտանիշներն են ջերմությունը, հոգնածությունը, խորխով հազը։ Հիվանդությունը սկսվում է որպես սովորական շնչառական վարակ, որն ուղեկցվում է տենդով, հազով ու թոքաբորբով, բայց շատ արագ ծանր ընթացք է ստանում՝ խոցելով թոքերը։ Ռիսկային խմբում են թույլ իմունային համակարգ ունեցողները, երեխաներն ու ծերերը։
Sputnik Արմենիայի ֆոտոշարքում դիտեք, թե ինչպես են մարդիկ աշխարհի տարբեր երկրներում պահպանում լավատեսությունն ու բժշկական դիմակների նոր տարբերակներ առաջարկում։