ԵՐԵՎԱՆ, 3 փետրվարի - Sputnik. Ռոսգվարդիայի աշխատակիցների կողմից կիրակի` փետրվարի 2–ին ձերբակալած կիսածանր քաշային կարգում Ռուսաստանի չեմպիոն Գեորգի Քուշիտաշվիլին ու նրա ընկեր Հովիկ Հովհաննիսյանը երբեք թմրանյութ չեն օգտագործել։ Տեղեկությունը ՌԻԱ Նովոստիին տրամադրել է Չեչնիայի Հանրապետության Փաստաբանների պալատի անդամ, մարզիկների փաստաբան Ալեքսանդր Դեգտերյովը։
Ինչպես արդեն տեղեկացրել ենք, փետրվարի 2–ին Քուշիտաշվիլին ու Հովհաննիսյանը Մոսկվայում ձերբակալվել են ստուգման ընթացքում Ռոսգվարդիայի աշխատակցի վրա հարձակվելու համար։ Գերատեսչության վարկածի համաձայն` Քուշիտաշվիլին, որի մոտ կոկաինով փաթեթ են հայտնաբերել, բռունցքով հարվածել է աշխատակցի դեմքին։ Բռնցքամարտիկը հերքում է, որ ուժ է կիրառել։
Փաստաբանը հայտնում է, որ Քուշիտաշվիլիի մոտ հայտնաբերված նյութը ոչ թե կոկաին էր, այլ սեդատիվ (հոեգմետ դեղ)։ Օլիմպիական հավաքականի բռնցքամարտիկներն ամեն շաբաթ դոպինգ թեստեր են հանձնում։
«Տղաներին բաժանմունք բերելուց կես ժամ անց Քուշիտաշվիլիին ստուգում են ու նրա մոտ սպիտակ նյութով փաթեթ են հայտնաբերում», – ասել է Դեգտերյովը հեռախոսազրույցի ընթացքում, – «տարօրինակ է` ինչու՞ տեղում ստուգում չեն անցկացրել, այլ արել են դա կես ժամ անց, բաժանմունքում։ Եթե Քուշիտաշվիլիի մոտ իսկապես այդպիսի փաթեթ եղած լիներ, ճանապարհին նա կարող էր պարզապես դեն նետել այն, նույնիսկ ձեռնաշղթաներով։ Բայց նա նման բան չի արել, քանի որ չի իմացել` իր գրպանում այդպիսի փաթեթ կա»։
Բռնցքամարտիկ Կարեն Չուխաջյանը հաղթել է մինչ այդ անպարտելի ռուսաստանցի մարզիկին. տեսանյութ
«Իմ տեղեկություններով` դա սեդատիվ նյութ է, որը դանդաղեցնում է ռեակցիան։ Մարզիկի ինչին է նման դեղ պետք», – հարցրել է գործակալության զրուցակիցը։
Քուշիտաշվիլին մեղադրվում է թմրանյութ պահելու ու իշխանության ներկայացուցչի հանդեպ ուժ կիրառելու համար։