ԵՐԵՎԱՆ, 2 փետրվարի — Sputnik. Վլադիկավկազ քաղաքը և Լարս բնակավայրը կապող հատվածում՝ ռուս-վրացական սահմանի ուղղությամբ, երթևեկությունն արգելված է անբարենպաստ եղանային պայմանների պատճառով։
Ինչպես հաղորդում է Հյուսիսային Օսեթիայի հարցով Ռուսաստանի ԱԻՆ գլխավոր վարչությունը, արգելքը սահմանվել է հունվարի 31-ին` տեղական ժամանակով 11:00-ին՝ Վրաստանի տարածքում եղանակային պայմանների վատթարացման, ավտոտրանսպորտային միջոցների անվտանգ երթևեկությունն ապահովելու անհնարինության պատճառով։ Հաղորդվում է նաև, որ հաշվի են առնվել Վրաստանի սահմանային ոստիկանության խորհուրդները։
«Հյուսիսային Օսեթիա-Ալանիայի հարցերով Ռուսաստանի ԱԻՆ գլխավոր վարչությունը հորդորում է զերծ մնալ այս ուղղությամբ ուղևորություններից», - նշված է հաղորդագրության մեջ։
Կա տեղական և կա ռեգիոնալ հովանավորչություն. ԵԱՏՄ պաշտոնյան խոսել է «Վերին Լարսի» խնդրից
Ավելի վաղ հայտնի է դարձել, որ ավելի քան 300 ավտոմեքենա արգելափակված է մնացել ճանապարհին Վրաստանում առատ ձյան պատճառով։ Ռուս-վրացական սահմանի մոտ գոյացել է բեռնատարների և մարդատար ավտոմեքենաների հերթ։
«Վերին Լարս» անցակետով ուղին միակ գործող ցամաքային ճանապարհն է, որը կապում է Հայաստանը Ռուսաստանի հետ։