Սոցցանցերում հերթական հետաքրքիր տեսանյութն է տարածվել։ Գեղեցկության սրահի վերջին այցելուն զարմացել է, երբ վարսահարդարներից մեկը սկսել է երգել հայտնի երգիչ Արաբոյի «Տուն իմ հայրենի» երգը։ Նա տղայի երգը տեսաձայնագրել է և նրա թույլտվությամբ հրապարակել իր էջում։
«Ժամը 19:30: Ես գեղեցկության սրահի վերջին և միակ այցելուն եմ, քանի որ աշխատանքային օրն արդեն ավարտվել է։ Նման անակնկալ չէի սպասում. վարսավիրներից մեկը` Ժորան, արդեն վերջացրել էր աշխատանքը ու իր կոլեգաների համար երգում էր։ Ես չկարողացա չնկարել։ Հ.Գ.Ասեմ, որ նա շատ լավ վարսավիր է, սովորել է դուդուկ ու կլարնետ նվագել։ Երգել սովորել է ինքնուս։ Համ էլ ամուսնացած չի»,–գրել է Facebook-ի օգտատեր Աննա Գալստյանը։
Facebook-ի օգտատերերը շատ են հավանել տղայի կատարումը։ Նրանք տասնյակ մեկնաբանություններ են գրել և հույս հայտնել, որ մի օր տղային կտեսնեն մեծ բեմում։
Հայերը «սասանել» են Շվեյցարիայի սարերը. հզոր քոչարի` «Բերդ» համույթից
«Վայ, տղա ջան, ինչքան ափսոս է, որ քո ձայնը չեն վայելում բեմերում։ Քո տեղը բեմն է։ Այդքան մաքուր, հստակ ձայն...»,–գրել է օգտատերերից մեկը։
Էջի հետևորդներից ոմանց էլ անտարբեր չի թողել տղայի ամուսնացած չլինելու հանգամանքը։
«Աննա, որ նշել ես ամուսնացած չի, քանի՞ տարեկան է, ոնց որ փոքր է, չէ՞», «այ սա երգել է, բայց շուտ է ամուսնանալու համար, վայելիր»,–գրել են էջի հետևորդները։
«Փառքի ճամփա մենք անցանք` հաղթանակած Հայաստանն ու ես». տեսահոլովակ`Հայոց բանակի 28–ամյակին
Տեսանյութը տարածել են տասնյակ օգտատերեր։ Ի դեպ, այն սոցցանցերում հայտնված հազվադեպ տեսանյութերից է, որի բոլոր մեկնաբանությունները դրական են։