ԵՐԵՎԱՆ, 30 հունվարի — Sputnik. «Ռոսիա սեգոդնյա» ՄՏԳ–ի և RT–ի գլխավոր խմբագիր Մարգարիտա Սիմոնյանն ընդգրկվել է ռուսական Առաջին ալիքի տնօրենների խորհրդի թեկնածուների ցանկում։
Մարգարիտա Սիմոնյան. երեխաներս հայերեն են խոսում
Նշվում են նաև Առաջին ալիքի գլխավոր տնօրեն Կոնստանտին Էռնստի և ՌԴ կառավարության աշխատակազմի ղեկավարի տեղակալ Լեոնիդ Լյովինի անունները։
Տնօրենների խորհրդի թեկնածուներ են դարձել նաև ՌԴ նախագահի փորձագիտական վարչության պետ Վլադիմիր Սիմոնենկոն, Մոսկվայի միջազգային հարաբերությունների պետական ինստիտուտի ռեկտոր Անատոլի Տորկունովը, «Մոսֆիլմի» գլխավոր տնօրեն Կարեն Շահնազարովը և Առաջին ալիքի գլխավոր տնօրենի տեղակալ Կիրիլ Կլեյմենովը։
Որպես անկախ տնօրեններ` առաջարկում են Միխայիլ Բոյարսկու և դաշնակահար Դենիս Մացուևի թեկնածությունները։
Վերաքննիչ հանձնաժողովի կազմում կառավարությունն առաջադրել է «Ավտոպրոմիմպորտի» գլխավոր տնօրեն Եվգենի Կազանովին, «Ռոսիմուշչեստվոյի» վարչության պետի տեղակալ Օլգա Ռյազանովային ու ՌԴ կապի և զանգվածային հաղորդակցությունների բաժնի վարիչ Գենադի Տրուբիցինին։
Մարգարիտա Սիմոնյան. թույլ մի տվեք ճշմարտությունը խոչընդոտի գեղեցիկ պատմությանը