ԵՐԵՎԱՆ, 30 հունվարի – Sputnik. ՀՀ վարչապետ Նիկոլ Փաշինյանը հունվարի 31-ին աշխատանքային այցով կմեկնի Ղազախստանի Հանրապետություն: Տեղեկությունը հրապարակվել է կառավարության Twitter–յան էջում։
Վարչապետն Ալմաթիում կմասնակցի Եվրասիական միջկառավարական խորհրդի հերթական նիստին:
Այցի ընթացքում նախատեսվում են նաև երկկողմ հանդիպումներ:
Փաշինյանը վերջին անգամ Ղազախստանում է եղել 2019 թվականի մայիսին, երբ Նուր-Սուլթանում կայացել էր Եվրասիական տնտեսական բարձրագույն խորհրդի նիստը։