ԵՐԵՎԱՆ, 30 հունվարի — Sputnik. ՀՀ վարչապետ Նիկոլ Փաշինյանը Facebook սոցիալական ցանցի իր էջում գրել է, որ Հրայր Թովմասյանը չի կարող լինել ՍԴ նախագահ։
«Հրայր Թովմասյանը չի կարող որևէ կապ ունենալ ՍԴ-ի հետ»,– գրել է նա` հրապարակելով Հանրային հեռուստաընկերության` Թովմասյանին առաջադրված մեղադրանքի մասին պատմող ռեպորտաժը։
Թովմասյանի պաշտպաններից Ամրամ Մակինյանն էլ, Facebook սոցիալական ցանցի իր էջում անդրադառնալով Փաշինյանի գրառմանը, գրել է, թե փաստորեն գործադիր իշխանության ղեկավարը նույնիսկ չի փորձել թաքցնել իր ուղղակի առնչությունը Հանրային հեռուստաընկերության պատրաստած նյութին։
«Սահմանադրական սկզբունքների խախտման, հիմնարար իրավունքների կոպիտ և ցինիկ ոտնահարման մասին խոսելն արդեն ավելորդ է։ Գործ ունենք սահմանադրական կարգի տապալման և սահմանադրական դատարանի յուրացման առերևույթ հանցակազմի հետ»,–գրել է նա։
Ինձ ոչինչ չի կանգնեցնելու. Հրայր Թովմասյանը հիշեցրել է, որ սասունցու կող ունի
Հիշեցնենք, որ Հրայր Թովմասյանին մեղադրանք է առաջադրվել 2019 թվականի դեկտեմբերի 27-ին, ՀՀ քրեական օրենսգրքի 308-րդ հոդվածի 2-րդ մասի հատկանիշներով՝ պաշտոնեական լիազորությունները չարաշահելու համար։
Հրայր Թովմասյանը խոսում է քաղաքական ընդդիմախոսի լեքսիկոնով. «Իմ քայլը»` ՍԴ–ի խնդրի մասին
Ընդ որում՝ նրան որպես մեղադրյալ ներգրավելու որոշումը ՀՀ գլխավոր դատախազը կայացրել էր դեկտեմբերի 26-ին` այն նույն օրը, երբ ՀՀ նախագահ Արմեն Սարգսյանը ստորագրել էր Սահմանադրական դատարանի դատավորներին վաղաժամ թոշակի ուղարկելու մասին օրենքը։