ԵՐԵՎԱՆ, 26 հունվարի — Sputnik. Թուրքիայի Մալաթիա և էլյազիգ նահանգներում գրանցված երկրաշարժի հետևանքով մահացածների թիվը հասել է 31–ի։ Տեղեկությունը հայտնում է Anadolu լրատվական գործակալությունը։
Նշվում է, որ փրկարարներին հաջողվել է փլատակների տակից հանել 45 ողջ մնացած մարդկանց: Պաշտոնական տեղեկության համաձայն` բժշկական օգնություն է ստացել 1547 քաղաքացի: Հայտնի է, որ երկրաշարժի պատճառով ավերվել է 76 շենք, զգալիորեն վնասվել ` 643–ը: Իսկ 425 շենքերը վնասվել են աննշան: Երկրաշարժից հետո գրանցվել է 599 հետցնցում:
Թուրքիայում երկրաշարժի հետևանքով շենքը կիսվել է. տեսանյութ
Հիշեցնենք` Թուրքիայի Էլյազիգ նահանգի Սիվրիջե քաղաքի շրջանում 6,8 մագնիտուդով երկրաշարժը գրանցվել էր հունվարի 23–ին, ժամը 20.55-ին (Երևանի ժամանակով` 21:55), Էլյազիգ քաղաքից 33 կմ դեպի հարավ-արևմուտք: Էպիկենտրոնային գոտում ստորգետնյա ցնցման ուժգնությունը կազմել է 9 բալ: Ուժեղ ցնցումներին հաջորդել էին ավելի քան 270 հետցնցումներ։
Հայաստանի ԱԳՆ-ն ցավակցություն էր հայտնել Թուրքիայում տեղի ունեցած ավերիչ երկրաշարժի զոհերի կապակցությամբ։