ԵՐԵՎԱՆ, 24 հունվարի — Sputnik. Ֆերդինանդ Կարապետյանն անցել է ձյուդոյի Գրան Պրիի եզրափակիչ։ Մրցաշարն այս օրերին ընթանում է Թել Ավիվում։
Ձյուդոիստ Ֆերդինանդ Կարապետյանը` Եվրոպայի գավաթի խաղարկության բրոնզե մեդալակիր
Կարապետյանը ելույթ է ունենում 73 կիլոգրամ քաշային կարգում։ Նա այդ մրցաշարում Հայաստանի միակ ներկայացուցիչն է։
2018 թվականի Եվրոպայի չեմպիոնը մրցաշարը սկսել է չեխ Յակուբ Եչմինեկի նկատմամբ տարած հաղթանակով։ Երկրորդ փուլում մարզիկը հաղթել է ալբանացի Մարկո Մադալոնիին, իսկ երրորդում` ղազախ Սերիկ Ալիկբեքին։
Ֆերդինանդ Կարապետյանը քառորդ եզրափակիչում հաղթել է շվեդ Թոմի Մասիասին, իսկ կիսաեզրափակիչում` իսպանացի Սալվադոր Կասես Ռոկային։
Եզրափակիչում Կարապետյանի մրցակիցն է լինելու իտալացի Ֆաբիո Բազիլեն։
Մրցաշարը վարկանիշային է Տոկիոյի 32-րդ ամառային օլիմպիական խաղերի համար։
Սպորտային փառատոնը մեկնարկեց. ի՞նչ սպասել Հայաստանը ներկայացնող մարզիկներից
Ձյուդոյի միջազգային ֆեդերացիան վարկանիշային աղյուսակը վերջնական տեսքի կբերի և կհրապարակի 2020 թվականի մայիսի 25-ին: Խաղերի իրավունք կստանան առաջին 25 տեղերը զբաղեցրած մարզիկները:
Հիշեցնենք` 2019 թվականին ՀՀ կառավարության որոշմամբ Ֆերդինանդ Կարապետյանն ազատվել է զինծառայությունից։
Ավելի վաղ նրան տարկետում էին տվել, որ մարզիկը կարողանա պատրաստվել Տոկիոյում կայանալիք օլիմպիական խաղերի վարկանիշային մրցաշարերին։
«Տոկիո 2020»–ից կես տարի առաջ ձյուդոիստ Ֆերդինանդ Կարապետյանը կանջատի նույնիսկ հեռախոսը