ԵՐԵՎԱՆ, 22 հունվարի – Sputnik. Այսօր՝ հունվարի 22-ին, խոշոր ավտովթար է տեղի ունեցել Լոռու մարզում, կան 5 տուժած։ Տեղեկությունը հայտնում է shamshyan.com–ը։
«Ժամը 17:10-ի սահմաններում Վանաձոր-Դիլիջան ավտոճանապարհի 6-րդ կմ հատվածում Opel մակնիշի 35 GN 951 համարանիշի ավտոմեքենայի վարորդը, դեռևս անհայտ պայմաններում, դուրս է եկել ճանապարհի երթևեկելի հատվածից և մոտ 30 մետր սահել ձորը»,–գրում է կայքը:
Վթարի հետևանքով Opel-ի վարորդն ու 4 ուղևորները տեղափոխվել են Վանաձորի բժշկական կենտրոն:
Փաստի առթիվ նյութեր են նախապատրաստվում:
Ոստիկանությունը պարզում է վարորդի և վիրավորների ինքնությունը: