ԵՐԵՎԱՆ, 21 հունվարի — Sputnik. Ռուս երգչուհի և հաղորդավարուհի Օլգա Բուզովան Instagram սոցիալական կայքի ռուսական տիրույթում ունեցած բաժանորդների թվով նոր ռեկորդ է սահմանել։ Այս մասին հայտնում է ՌԻԱ Նովոստին։
Հունվարի 20-ին ծննդյան տարեդարձի առթիվ իր էջում տեղադրած նոր` «Կրակի մեջ» («В огне») երգի հրապարակումից հետո աստղի բաժանորդների թիվն ավելացել է` հասնելով 19,1 միլիոնի:
«Մանդարինկա». Բուզովան բլոգեր Դավիթ Մանուկյանի հետ ամանորյա երգ է թողարկել
Բաժանորդների քանակությամբ երկրորդ տեղում է խառը մարտարվեստի ռուսաստանցի մարզիկ Խաբիբ Նուրմագոմեդովը: Նրա էջով հետաքրքրվում է 18,4 միլիոն օգտատեր: Աստղերի թվում ամենաշատ բաժանորդներ ունեցողներից են Տիմատին (14,5 միլիոն) և բլոգեր Նաստյա Իվլեևան (14 միլիոն)։
Օլգա Բուզովան հաստատել է` իր ընտրյալը հայ հայտնի բլոգեր Դավիթ Մանուկյանն է
Արտասահմանյան աստղերից առավել հայտնի է պորտուգալացի ֆուտբոլիստ Կրիշտիանու Ռոնալդուն, որն ունի 198 միլիոն բաժանորդ։