ԵՐԵՎԱՆ, 15 հունվարի — Sputnik. ՀՀ վարչապետ Նիկոլ Փաշինյանի որոշմամբ՝ Մերուժան Գալստյանն ազատվել է ՀՀ շրջակա միջավայրի նախարարության «Բնապահպանական ծրագրերի իրականացման գրասենյակ» պետական հիմնարկի տնօրենի պաշտոնից: Այս մասին հայտնում է ՀՀ կառավարության մամուլի ծառայությունը։
«Հիմք ընդունելով Հայաստանի Հանրապետության կառավարության 2011 թվականի հունվարի 13-ի N 9-Ն որոշման հավելվածի 27-րդ կետը՝ Մերուժան Գալստյանին ազատել Հայաստանի Հանրապետության շրջակա միջավայրի նախարարության «Բնապահպանական ծրագրերի իրականացման գրասենյակ» պետական հիմնարկի տնօրենի պաշտոնից»,-նշված է որոշման մեջ:
Պաշտոնանկությունները շարունակվում են. Նիկոլ Փաշինյանը նոր որոշում է ստորագրել
Նշենք, որ Մերուժան Գալստյանը նախկին վարչապետ Կարեն Կարապետյանի որոշմամբ 2017 թվականին նշանակվել էր «Բնապահպանական ծրագրերի իրականացման գրասենյակ» պետական հիմնարկի տնօրենի պաշտոնում։