ԵՐԵՎԱՆ, 14 հունվարի — Sputnik. ԱՄՆ–ն կշարունակի Թեհրանի դեմ պատժամիջոցներ կիրառել այնքան ժամանակ, մինչև Իրանը չդադարեցնի «ահաբեկչական գործունեությունը», հայտարարել է ԱՄՆ պետքարտուղար Մայք Պոմպեոն Սթենֆորդի համալսարանում իր ելույթի ժամանակ։
Ամերիկյան դիվանագետը համեմատել է Իսլամական հեղափոխության պահպանների կորպուսի սպանված գեներալ Ղասեմ Սոլեյմանիին Ուսամա Բեն Լադենի հետ` հավելելով, որ ԱՄՆ–ը չի չեղարկի պատժամիջոցները, մինչև Իրանը վերջապես չհրաժարվի միջուկային զենք ունենալու պլաններից։
«Մենք ծավելել ենք տնտեսական ճնշման, ռազմական զսպման և դիվանագիտական մեկուսացման արշավ։ Երկու նպատակ ենք հետապնդում։ Ամենից առաջ ուզում ենք զրկել այդ ռեժիմը ռեսուրսներից, որոնք անհրաժեշտ են ամբողջ աշխարհում նրանց կործանարար գործունեությունն իրագործելու համար։ Երկրորդ` մենք ուղղակի ուզում ենք, որ Իրանը սկսի պահել իրեն որպես նորմալ պետություն», – նշել է ԱՄՆ պետքարտուղարը։
ԻՀՊԿ հրամանատարը ներողություն է խնդրել կորածնված ուկրաինական Boeing–ի համար
Հիշեցնենք`Մերձավոր Արևելքում իրավիճակը սրվեց հունվարի 3–ին Բաղդադում ամերիկյան հարվածների հետևանքով իրանցի գեներալ Ղասեմ Սոլեյմանիի մահից հետո։ ԱՄՆ նախագահ Դոնալդ Թրամփը սպառնաց վերացնել Իրանի առանցքային օբյեկտները, այդ թվում նաև մշակութային հուշարձանները։ Հետագա օրերին Իրանը մի շարք հրթիռային հարվածներ հասցրեց Իրաքում տեղակայված ամերիկյան բազաներին։
Իրանի դեմ նոր պատժամիջոցները կվանե՞ն Թեհրանի գործընկերներին
Հրթիռակոծությունից հետո ԱՄՆ առաջնորդը նահանջեց` ասելով, որ պատրաստ է խաղաղության, սակայն մյուս կողմից էլ հայտարարեց Թեհրանի նկատմամբ նոր պատժամիջոցներ կիրառելու մասին։