ԵՐԵՎԱՆ, 14 հունվարի — Sputnik. Հայաստանի իշխանությունները հայկական ընկերություններին կօգնեն դուրս գալ տեղի ֆոնդային բորսա։ Այս մասին 2019թ.–ի արդյունքների ամփոփիչ մամուլի ասուլիսում հայտարարեց Հայաստանի էկոնոմիկայի նախարար Տիգրան Խաչատրյանը։
Տարիներ շարունակ AMX հայկական ֆոնդային բորսայում արժեթղթեր թողարկող ընկերությունները համեմատաբար քիչ են, ընդ որում, գրեթե բոլորը ֆինանսական հատվածից են։ Այնուամենայնիվ, վերջին շրջանում բորսա են դուրս եկել մի քանի խոշոր ոչ ֆինանսական ընկերություններ` մրգի և բանջարեղենի խոշորագույն արտահանող Spayka–ն, Ucom ընկերությունը, ինչպես նաև Զանգեզուրի պղնձամոլիբդենային կոմբինատը։
Բորսային գործարարները Ստամբուլը փոխեցին Երևանի հետ. Բաքվում «ուրախ» են, Իրանում` հետաքրքրված
2020թ.–ին Էկոնոմիկայի նախարարությունը Կենտրոնական բանկի հետ քննարկում կանցկացնի այն մասին, թե բորսայում ինչպես խթանել ընկերությունների արժեթղթերը։ Դրա համար պետք է հասկանալ` ֆինանսական ընկերությունները գիտե՞ն արդյոք` ինչպես ստանալ համապատասխան ծառայություններ (աուդիտորների, անդրռայթերների, մարկետ–մեյքերների)։ Խնդիր է նաև, թե որքանով են նրանք պատրաստ դիտարկել պարտատոմսերի վաճառքը` որպես բանկային վարկերի այլընտրանք։ Որոշ դեպքերում կարող է վերանայել նաև օրենսդրությունը` կապված արժեթղթերի շուկայի հետ։
Զգայուն ակնկալիքներն ու անշարժ գույքի շուկան․ ինչ սպասել 2020–ին